Fílabækur
Franska bókin
Kynlíf fíla1000 aðferðir til að matreiða fíl
Enska bókin
Fíllinn sem ég skaut í veiðiferðinni
Velska bókin
Fíllinn og áhrif hans á velska tungu og menningueða Oes ysgol tocynnau eleffant llanfairpwll nhadau coeden
Bandaríska bókin
Hvernig á að búa til stærri og betri fíla
Japanska bókin
Hvernig á að búa til minni og ódýrari fíla
Gríska bókin
Hvernig á að selja fíla dýrt
Finska bókin
Hvað finnst fílum um finna?
Þýska bókin
Stutt kynning á fílnum, bindi 1-6
Íslenska bókin
Frostnir fílar - Á að þíða fíla? - Á að þýða fílabrandara?
Svissneska bókin
Sviss - Landið sem Hannibal fór í gegnum með fílalestina
Kanadíska bókin
Eru fílar alríkismál eða fylkjamál?
Sænska bókin
Hvernig fílinn getur lækkað skattana þína
Hjá Sameinuðu þjóðunum var einu sinni samkeppni um hvaða þjóð gæti skrifað bestu fílabókina.
Bretarnir lögðu fram þurra sagnfræðilega úttekt "Fíllinn og breska heimsveldið".
Frakkarnir lögðu fram textann "Ástleitni fílsins - Persónuleg reynslusaga"
Þjóðverjarnir lögðu fram 47 bindi af "Inngangsfræði fyrir byrjendur að vísindalegum grunni rannsókna á eyrum fíla"
Bandaríkjamenn lögðu fram gamla grein úr tímaritinu "Money": "Fílar -- besta leiðin til að lækka skattana"
Grænfriðungar lögðu fram gagnritið "Fílar - þeir eru betri en menn"
Rússar lögðu fram gulnað handrit með titlinum: "Yfirburðir sovétska fílsins"
en Japanir unnu keppnina með auglýsingapésanum"Við höfum enga fíla en vilt þú ekki kaupa Honda bíl í staðinn?"
Efst á síðu
********************************
Fílabrandarar
Það stendur hérna í bókinni að árlega fari 6000 fílar til að búa til píanó.Er ekki alveg stórkostlegt hvað hægt er að þjálfa fíla til að gera!!?
Hvað kallar þú fíl með vélbyssu?Yðar hátign.
Hvað kallar þú fíl í kjól með bleik eyrnaskjól?Hvað sem þér sýnist, hann heyrir hvort sem er ekkert.
Hvers vegna drekka fílar svona mikið?Til þess að gleyma.
Hvað er það sem er gult,grátt, gult,grátt, gult,grátt, gult,grátt, gult,grátt, gult,grátt?Fíll sem rúllar niður brekku með fífil í munninum.
Hvers vegna stendur fíllinn á sykurpúðanum?Svo hann detti ekki ofan í heitt kakóið.
Hvers vegna er fíllinn stór, grár og krumpaður?Af því að ef hann væri lítill, glær og glansandi þá væri hann lýsispilla.
Hvers vegna eru fætur á fílum svona í laginu?Til þess að þeir passi á vatnaliljublöðin.
Hvers vegna er ekki óhætt að vera hjá liljutjörnunum milli 4-6 síðdegis?Þá eru fílarnir að hoppa á milli vatnaliljublaðanna.
Hvers vegna eru froskar svona stuttir?Þeir voru í liljutjörnunum milli 4-6 síðdegis.
****
Hvers vegna eru fílar með dökk sólgleraugu?Mundir ÞÚ vilja þekkjast ef svona aulabrandarar væru sagðir um þig?
****
Hvernig skýtur þú bláan fíl?Nú, auðvitað með blárri fílabyssu!
Hvernig skýtur þú hvítan fíl?Nú, auðvitað með hvítri fílabyssu.
Hvernig skýtur þú gráan fíl?Segir honum hræðilegar draugasögur svo hann verður náhvítur og þá skýtur þú hann með hvítri fílabyssu.
****
Hvar getur þú fundið fíla?Það fer eftir því hvar þú týndir þeim.
Hvað er það sem er líkt bæði fíl og fugli?Fljúgandi fíll.
Hvaða munur er á fíl og póstkassa?Nú, veistu það ekki, ég læt þig sko aldrei setja bréf í póst fyrir mig!
Hvaða munur er á pappírsblaði og fíl?Þú getur búið til skutlu úr blaðinu.
Hvað hefur tvo hala, tvo rana og fimm fætur?Fíll með varahlutum.
Hvernig veistu að það er fíll undir rúminu þínu?Nefið á þér snertir loftið.
Hvað er það sem er grátt og geislar?Rafmagnsfíll.
Hvernig kemur þú fíl út úr símaklefa?Sömu leið og þú komst honum inn.
Hvað kallar þú fíl sem ferðast í strætó?Farþega.
Hvernig kemur þú fíl í gegnum landamæraeftirlit?Setur brauðsneið sitt hvoru megin við hann og kallar hann "nesti"
Hvað gefur þú sjóveikum fíl?Mikil pláss.
Hvað gerist þegar fíll stekkur út í sundlaug?Hann verður blautur. Af hverju hélstu eiginlega að fílar væru eitthvað öðruvísi en aðrir?
Efst á síðu
****************
Trjáfílar
Hvernig færðu fíl upp í tré?Planta trjáfræi og fá fílinn til að standa á því dáldið lengi!
Hvernig nærðu fíl niður úr tré?Fæ hann til að standa á laufblaði og bíð svo eftir haustinu.
Hvers vegna eru krókódílar langir, þunnir og flatir?Þeir sitja undir trjánum á haustin.
Út af hverju féll fyrsti fíllinn niður úr trénu?Af því hann var dauður.
Út af hverju féll annar fíllinn niður úr trénu?Af því hann var límdur við fyrsta fílinn.
Út af hverju féll þriðji fíllinn niður úr trénu?Hann hélt að þetta væri leikur.
Út af hverju féll tréð um koll?Það hélt að það væri fíll.
Hvers vegna er ekki ráðlegt að fara inn í frumskóginn milli 3 og 4 á næturnar?Þá eru fílarnir að stökkva niður úr trjánum.
Hvers vegna eru frumskógardvergar svona samanreknir?Þeir fóru inn í frumskóginn milli 3 og 4 á næturnar.
Efst á síðu

************************
Fílar í bílum og eldspýtnastokkum
Hvernig kemur þú fíl inn í bíl?1. opnar dyrnar, 2. treður fílnum inn, 3. lokar dyrunum.
Hvernig kemur þú gíraffa inn í smábíl?Hann kemst ekki, fíllinn er þar fyrir.
Hvernig kemur þú fjórum fílum inn í smábíl?Tveir fram í , tveir aftur í.
Hvernig kemur þú fimm fílum inn í drossíu?Tveir fram í, tveir aftur í, einn í hanskahólfinu.
Hvernig kemur þú fíl í eldspýtnastokk?Þú verður að byrja á því að taka út eldspýturnar.
Hvernig kemur þú gíraffa í eldspýtnastokk?Með því að taka út fílinn.
Efst á síðu
*********************
Fílar í ísskápum
Hvernig kemur þú fíl inn í ísskáp?
1. opnar bíldyrnar2. tekur fílinn út3. lokar bíldyrunum4. opnar ískápinn5. stingur fílnum inn6. lokar ískápnum.
Hvernig veistu að það er fíll í ísskápnum?Fótspor í smjörinu.
Hvernig veistu að það eru tveir fílar í ísskápnum?Tvenn fótspor í smjörinu og svo heyrir þú hvíslið í þeim.
Hvernig veistu að það eru þrír fílar í ísskápnum?Ekki hægt að loka ísskápsdyrunum.
Hvernig veistu að það eru fjórir fílar í ísskápnum?Það er smábíll lagt fyrir utan húsið.
Hvernig kemur þú átta fílum í ískápinn?Setja þá fyrst í tvo smábíla, fjóra í hvorn bíl. Nú, ísskápur sem rúmar tvo fíla, hlýtur að rúma tvo smábíla!
Hvernig kemur þú Tarsan í ísskápinn?Opnar dyrnar, tekur báða bílana út, setur Tarsan inn, lokar dyrunum.
Hvernig veistu að Tarsan er í ísskápnum?Þú heyrir Tarsan hrópa OYOYOYOIYOIYOOOOOO
Hvernig kemur þú tveimur Tarsan í ísskápinn?Hvaða, hvaða -- það er bara til einn Tarsan!
Hvers vegna eru svona margir fílar í frumskóginum?Ísskápurinn er ekki nógu stór fyrir þá alla.
Efst á síðu

********************
Fatnaður og málun fíla
Hvers vegna eru fílar með litlar grænar húfur?Til að sjást ekki þegar þeir læðast um á golfvöllum.
Hvers vegna eru fílar í söndulum á ströndinni?Til að sökkva ekki í sandinn.
Hvers vegna eru fílar í bláum íþróttaskóm?Hvítir skór skitna svo fljótt.
Hvers vegna halda fílar sig í stórum hjörðum?Til þess að fá magnafslátt af bláum íþróttaskóm.
Hvers vegna láta fílar sig fljóta á bakinu?Til að bleyta ekki íþróttaskóna sína.
Hvað er það sem er klomp, klomp, klomp, skvamp, klomp, klomp, klomp, skvamp?Fíll í blautum íþróttaskóm.
Hvers vegna mála fílar sig í ýmsum litum?Svo þeir geti falið sig í vaxlitakössum.
Hvers vegna mála fílar neglurnar með grænu naglalakki?Til þess að fela sig í grænu baununum.
Hvers vegna mála fílar neglurnar gular, grænar og appelsínugular?Til þess að fela sig í smartís sælgætisboxum.
Hvers vegna mála fílar sólana gula?Til þess að fela sig á hvolfi í sinnepsdósum.
Hefur þú nokkurn tímann séð fíl í sinnepsdós?Sko, þetta virkar.
Efst á síðu

*******************
Bláber og 1000 fílar
Hvaða munur er á fíl og bláberi?Bæði eru blá, nema fíllinn.
Hvað sagði Tarsan þegar hann sá 1000 fíla koma niður hæðina?"Sjáðu, þarna koma 1000 fílar niður hæðina!"
Hvað sagði Jane þegar hún sá 1000 fíla koma niður hæðina?"Sjáðu, þarna koma bláberin!" (Jane var litblind)
Hvað sagði Tarsan þegar hann sá 1000 fíla með sólgleraugu koma niður hæðina?Ekkert, hann þekkti þá ekki.
Hvað sagði Tarsan þegar hann sá 1000 gíraffa með sólgleraugu koma niður hæðina?Ha, ha, ég læt nú ekki gabba mig tvisvar með þessum grímubúningum!
Efst á síðu

********************
Mýs á fílaveiðum
Tvær mýs handsömuðu fíl. Fyrsta músin sagði við hina:"Passa þú hann á meðan ég sæki hjálp". Hálftíma síðar kom hún aftur en þá var fíllinn horfinn. "Hvar er fíllinn?" spurði hún hina músina. "Ég veit það ekki" sagði önnur músin. Fyrsta músin varð bálreið og sagði :"Ekki ljúga að mér, ég sé vel að þú ert ennþá að tyggja!".

Efst á síðu

Hvernig á að veiða hvíta fíla
Farðu þar sem hvítir fílar halda sig. Hafðu með þér smákökur (með rúsínum). Klifraðu upp í tré. Þegar hvítur fíll nálgast skaltu fleygðu smáköku (með rúsínum) fyrir framan hann. Hvítum fílum finnast smákökur (með rúsínum) góðar.Endurtaktu þetta nokkra daga í röð. Eftir fimm daga verða fílarnir vanir því að fá þessa daglegu smáköku (með rúsínum). Sjötta daginn skaltu klifra upp í tré og hafa með þér smáköku án rúsína. Fleygðu smákökunni eins og venjulega. Þegar hvíti fíllinn finnur að engar rúsínur eru í smákökunni dökknar hann af reiði. Þá getur þú veitt hann eins og venjulegan gráan fíl.
Efst á síðu

Fræðingar á fílaveiðum
STÆRDFRÆÐINGAR
veiða fíla í Afríku og henda öllu sem ekki er fíll og hirða það sem þá er eftir.
REYNDIR STÆRÐFRÆÐINGAR
munu reyna að sann tilveru að minnsta kosti eins einstaks fíls áður en þeir halda áfram á þrep 1 sem undirverkefni.
PRÓFESSORAR Í STÆRÐFRÆÐI
munu sanna tilveru að minnsta kosti eins einstaks fíls og svo láta nemendur sína æfa sig í að greina og handsama raunverulega fíla
TÖLVUNARFRÆÐINGAR
veiða fíla með algorithma A:
1.Fara til Afríku2.Byrja á Góðrarvonarhöfða3.Ferðast um álfuna frá austri til vesturs4.Stöðva reglubundið og þá..5.Veiða öll dýr í námunda6.Bera öll veidd dýr saman við dýr sem er þekkt sem fíll7.Stöðva þegar fíll finnst
REYNDIR TÖLVUNARFRÆÐINGAR
munu lagfæra algorithma A með því að staðsetja fíl í Kairó til að það sé tryggt að algorithminn endi einhverns staðar.
VÉLAMÁLSFORITARAR
vilja heldur framkvæma algorithma A skríðandi á höndum og fótum

VERKFRÆÐINGAR
veiða fíla með því að fara til Afríku, veiða grá dýr af handahófi og hætta veiðum þegar eitthvert þeirra vegur plús eða mínus 15 prósent af þyngd einhvers áður tiltekins fíls.
HAGFRÆÐINGAR
veiða ekki fíla en þeir trúa því að fílar muni veiða sig sjálfa ef þeim er borgað nógu mikið.
TÖLFRÆÐINGAR
veiða fyrsta dýrið sem þeir sjá N sinnum og kalla það fíl.
RÁÐGJAFAR
veiða ekki fíla og margir þeirra hafa aldrei nokkurn tíma séð fíla en það er hægt að ráða þá í vinnu til að ráðleggja fólki sem veiðir hvað það á að gera.

KERFISRÁÐGJAFAR
geta mælt fylgnina milli hattastærðar og litar á byssukúlum og hversu árangursríkar fílaveiðiaðferðir eru, bara ef einhver annar ber kennsl á fílana.

STJÓRNMÁLAMENN
veiða ekki fíla, en þeir munu deila fílunum sem þú veiðir með fólkinu sem kaus þá.
STJÓRNENDUR
láta vinna fílaveiðistefnumótun sem byggir á þeirri forsendu að fílar séu alveg eins og hagamýs, bara með dýpri rödd.
GÆÐAEFTIRLITSMENN
láta eins og þeir sjái ekki fílana og leita að mistökum sem aðrir veiðimenn gera þegar þeir pakka farangrinum í jeppann.

SÖLUMENN
veiða ekki fíla en nota tímann til að selja fíla sem þeir hafa ekki veitt og sem á að afhenda tveim dögum áður en veiðitímabilið hefst.
HUGBÚNAÐARSÖLUMENN
senda fyrsta hlut sem þeir ná í og skrifa svo reikning fyrir fíl.
TÖLVUSÖLUMENN
veiða kanínur, mála þær gráar og selja þær síðan sem skrifborðsfíla.
Efst á síðu

*************************
Tígrisdýrið ógurlega
Svo var það tígrisdýrið ógurlega sem vaknaði einn morgunn í banastuði.Það var í svo miklu stuði að það króaði af lítinn apa og öskaði á hann:
"HVER ER VOLDUGASTUR AF ÖLLUM DÝRUM Í FRUMSKÓGINUM?"Skjálfandi og titrandi stundi aumingja,litli apinn:"Það ert auðvitað þú, enginn er voldugri en þú."
Litlu seinna mætti tígrisdýrið dádýri og öskraði ennþá hærra en áður:"HVER ER MÁTTUGASTUR OG STERKASTUR AF ÖLLUM DÝRUM Í FRUMSKÓGINUM?"Dádýrið skalf svo mikið að það gat varla talað en tókst þó að stama upp:"Ó, mikli tígur, þú ert langsamlega máttugastur allra í frumskóginum."
Tígrisdýrið færðist nú allt í aukana og þegar það kom að fíl sem beit gras og lauf í mestu spekt þá öskraði það af öllum lífs og sálar kröftum:"HVER ER MÁTTUGASTUR AF ÖLLUM DÝRUM Í FRUMSKÓGINUM?"
Nú, hvað haldið þið! Fíllinn krækti rananum um tígrisdýrið, henti því á loft og slengdi því niður; greip það aftur og hristi það og skók þar til tígrisdýrið var ekki orðið annað en hreyfðar gular og svartar klessur og þá kastaði fíllinn því af öllu afli upp í nálægt tré.
Tígrisdýrið brölti niður úr trénu, leit á fílinn og sagði:"Heyrðu, það er óþarfi að vera með SVONA STÆLA þó að þú vitir ekki rétta svarið."
Efst á síðu

Ég hef greinilega misskilið hvað felst í því að ala upp börn...

Á forsíðu Moggans í morgunn... of miklar samverustundir foreldra og barna geta aukið líkur á ofbeldi, sökum of mikillar nándar...

M.ö.o. verkfall kennara er að gera útaf við einhverja foreldra af því að þeir þurfa að eyða meiri tíma með börnunum en sem nemur að taka við þeim úr skólanum kl. hálf fimm, gefa þeim að éta og koma þeim í rúmið. Askoti lifum við í rugluðu samfélagi!

Hah... og ég sem hélt að ég væri enskulúði! Svona get ég brenglað bæði orðatiltækjunum og enskunni ... to drag a tooth out of a pig... Árni hefur greinilega ætlað að taka mig í kennslustund í þessu, ekki veitir af.

1. The raisin at the end of the hot-dog = Rúsínan í pylsuendanum.
2. I measure one-pulled with it = Ég mæli eindregið með því.
3. Now there won't do any mitten-takes = Nú duga engin vettlingatök.
4. I come completely from mountains = Ég kem alveg af fjöllum.
5. Thank you for the warm words into my garden = Þakka þér fyrir hlý orð í minn garð.
6. Everything goes on the back-legs = Það gengur allt á afturfótunum.
7. He's comepletely out driving = Hann er alveg úti að aka.
8. It lies in the eyes upstairs = Það liggur í augum uppi.
9. She gave me under the leg = Hún gaf mér undir fótinn.
10. He stood on the duck = Hann stóð á öndinni.
11. I teach in breast of him = Ég kenni í brjósti um hann.
12. On with the butter!!! = Áfram með smjörið!

Ég ætla að tileinka mér þetta og nota við hvert tækifæri... on with the butter!!!

Þvílíkt dásemdar óveður ;)

Gummi er veðurteftur, átti að fara með flugi í gær kl. 3 en því var frestað til morguns. Tékk kl. 7 í morgun, aftur kl. 9 og þá sögðu þeir að það væri athugun um hádegi. Óskaplega fínt, hann var búinn að elda handa mér MAT, svona alvöru mat, (fisk í raspi) þegar ég kom heim úr skólanum í gær. Mig vantar eiginlega heimavinnandi húsmóður til að sjá um heimilið. Ég verð að vísu svolítið ,,irreteruð" þegar hárbustinn er ekki á réttum stað, dót á eldhúsborðinu og fjarstýringarnar á stofuborðinu eða í sófanum, en það eru svo sem sanngjörn skipti að hann fái að búa þarna ef hann er til í að elda handa mér...

Og ég sem þoli ekki BINGO!

Þegar ég var lítil var litla systir mín alltaf með mér, sem var alveg bráðnauðsynlegt eins feimin og óframfærin og ég er. Sem dæmi má nefna það þegar við fórum á Bingo og ég slysaðist óvart til að fá bingo, þá var samið við Grétu systir um að segja bingo fyrir mig og fara og sækja vinninginn. Mér hefði verið sama þó hún hefði hirt hann, ég þoli ekki að fara upp á svið, láta fara yfir tölurnar og taka við vinningi. Mér finnst bara gaman að vera með, það veldur engri eftirvæntingu eða spenningi hvort ég er með eina eða tíu tölur eftir. Það eina sem kemur minni sáluró úr jafnvægi er þegar of fáar tölur eru eftir og möguleikarnir á því að ég þurfi að segja bingo og fara upp á svið. Ég veit ekki hvað það er, en ég þoli það ekki. Ég fæ bara stein í magann og það verður erfiðara að anda. Allir bíða í eftirvæntingu eftir að þetta sé vitlaust svo þeir hafi möguleika á að fá vinninginn, og svo verður fólk fyrir vonbrigðum þegar maður vinnur og það þarf að byrja upp á nýtt. Það er leiðinlegt að valda fólki vonbrigðum.
Þannig er hægt að leiða það út að með því að vinna í bingo veldur maður fólki vonbrigðum, maður verður valdur af því að annað fólk verður af vinningnum sem það langaði í. Mér er alveg sama, bingo er afþreying. Þetta er meira eins og þegar maður borgar fyrir að fara í bío. Maður borgar fyrir tveggja tíma afþreyingu og á ekki von á að koma neitt ríkari út.
Ég hef á tilfinningunni að ég sé ekki í áhættuhóp hvað spilafíkn varðar!

En málið er að ég fór á bingo, og vann! Og ég var ekki með Grétu systir til að segja bingo fyrir mig eða fara að ná í vinninginn. Ég þurfti að fara sjálf.
Fyrst fékk ég girðingastaura, rafting fyrir tvo, hestaferð fyrir tvo og bakpoka. Það var náttúrulega ógeðslega fyndið að ég, sveitalúðinn sjálfur skildi fá girðingastaurana.
Svo fékk ég síma, fínan síma sem kostar 20 000 kall og fullt af fólki langaði í, og fullt af fólki varð fyrir vonbrigðum þegar ég fékk hann; ég var búin að fá vinning. Ég á síma sem mér finnst fínn. Þessi er með einhverju extra minni og hægt að taka stuttmyndir eða eitthvað svoleiðis og extra litaupplausn og blebleble... ég hef ekkert við þetta að gera þar sem ég er símaböðull og kem til með að eyðileggja hann med de samme.
En það var gaman að fá rafting-ið. Ég þarf samt að bíða þar til næsta sumar.


Bekkurinn fór í sumarbústaðarferð um helgina.

Við fórum í bústað, risabústað sem er rétt hjá Borgarnesi. Þemað var Afríka, en við ætlum þangað í útskriftarferð. Allir áttu að mæta í búningi, en fæstir gerðu það samt. Tóku hann bara með, þannig að ég mætti eins og einhver bí-afra freak, kom inn í stofu og allir bara nokkuð eðlilegir. Var að hugsa um að snúa bara við og fara heim aftur, en ákvað þess í stað að það yrði ekki mikið verra úr þessu, skellti í mig kippu af bjór og var nokkuð libo á því eftir það. Hinir fóru svo líka í sína múdderingu og þetta endaði í þvílíka ruglinu. Þetta var alveg mega kvöld og geggjað gaman. Gummi kom með og var svona aðeins að kynnast liðinu, þar sem hann ætlar með okkur til Afríku. Ég held að honum hafi bara litist nokkuð vel á þetta. Ég veit ekki alveg með þegar liðið tók svartan lit og málaði sig allt svart í framan. Hann lifir það af.
En ég mæli samt ekki með því að mæta með sveðju þar sem er fullt af kolrugluðu drukknu fólki ;)


Ég er prýðisökumaður!

Ég var búin að segja Gumma hvað það væri gott að keyra með Víkingi og Láru í bílnum, þau eru svo róleg og ligeglad á því. Svo, þegar Víkingur var kominn vel í glas fór hann að segja Gumma frá því að hann væri nú svolítið hræddur með mér í bíl, það kæmi fyrir að hann væri farinn að halda sér. Og ég sem hélt að honum liði alveg jafn vel og mér. Ástæðan fyrir því að hann hefur sagt svona fátt er eflaust að hann hefur verið lamaður af skelfingu, en ég skil nú ekki af hverju það ætti að vera.
Það er að vísu ekki nema vika, eða tvær, síðan ég fór að keyra í Reykjavíkurborg, en það gengur bara ótrúlega vel. Málið er að rata, ekki keyra bílinn; ég er mjög góð í því en rata ekki neitt.
Ég veit bara að hemlunarvegalengd á þurru malbiki er 44 metrar (miðað við 70 km/klst) og ég nýti mér það. Ég þarf ekki að byrja að hemla fyrr en um stikulengd er að stöðvunarmarkinu. Þetta myndi ég einmitt kalla góðann ökumann! Ekkert óþarfa vez... og hvað er fólk að kvarta yfir því ,)

Hey, þarna er síðan sem var verið að tala um í blaðinu, um föðurinn sem náði í son sinn úr skotti á bíl. Hérna...

Kata Þrastar sendi mér þennan snilldar lista. Ég ætla að benda Gumma að fara inn á bloggið og lesa hann og læra mjög vel !

Hér er mjög mikilvæg orðabók sem allir eiginmenn ættu að læra vel !

Við verðum = Ég vil

Þú ræður = Þér ætti að vera orðið ljóst hvað ég vil

Gerðu það sem þú vilt = Ég næ mér niður á þér síðar

Við þurfum að ræða saman = Ég þarf að leggja fram nokkrar kvartanir

Ég er ekkert æst = Auðvitað er ég æst, fávitinn þinn

Ég er ekkert tilfinningasöm, ég er ekki að gera úlfalda úr mýflugu
= Ég er á túr

Slökktu ljósin = Ég er ekki sátt við sjálfa mig

Bílinn er að verða bensínlaus = Farðu og fylltu tankinn

Ruslapokinn er fullur = Farðu út með ruslið

Hundurinn er að gelta = Farðu fram úr og athugaðu hvort eitthvað sé
að

Okkur vantar ný gluggatjöld = ...og parket og málningu og húsgögn
og teppi...

Mig vantar nýja skó = Ég kann ekki lengur við hin 40 pörin

Þú verður að læra að tjá þig = Vertu bara sammála mér, það er
auðveldara

Ertu að hlusta = Of seint, þú ert búinn að vera

Þetta er allt í lagi = Þú færð að borga fyrir þetta síðar

Já = Nei

Nei = Nei

Kannski = Nei

Fyrirgefðu = Þú átt eftir að sjá eftir þessu

Hvernig finnst þér maturinn = Það er fljótlegt að búa þetta til svo
það er best fyrir þig að venjast honum

Var barnið að gráta = Drullaðu þér á lappir og sinntu barninu

Ég er ekki að öskra = Ég er að öska af því það er mikilvægt sem ég
er að segja

Elskarðu mig? = Ég er rétt bráðum að fara að biðja þig um nokkuð
sem kostar drjúgan pening

Hvað elskaður mig mikið? = Ég gerði nokkuð í dag sem þú átt eftir
að hata mig fyrir

Ég verð enga stund = Farðu úr skónum og komdu þér vel fyrir fyrir
framan sjónvarpið á meðan þú bíður

Er rassinn á mér siginn? = Segðu mér að ég sé falleg

Baðherbergið er svo lítið að maður kemst þar varla fyrir = Ég vil
nýja íbúð

Við ætlum bara að kaupa súpuskálar =Ég þarf líklega ekki að taka
það fram að við munum líka kíkja við í nokkrum fatabúðum, líta við
í snyrtivöruverslunum og svo var ég að frétta að það væru komnar
nýjar vörur í búsáhaldadeildina og að það væri útsala í
sængurfatadeildinni og Ó, guð, hvað þessi bleiku rúmföt færu vel
við svefnherbergið ef við myndum mála það í stíl og skipta um
gluggatjöld.

Múheheheheeh...

Ég er tölvu-böðull dauðans !

Þeir voru að hringja frá EJS, þeir gáfust upp á að finna hvað er að tölvunni og ætla að láta mig fá nýja, enn eina... þ.e. þriðju tölvuna og ég borga ekki krónu.
Þeir eru samt búnnir með þessa típu af tölvu; ég held að þeir treysti mér bara ekki fyrir henni. Þeir ætla að láta mig fá einhverja aðra típu sem á víst að henta mér betur (segja þeir, þetta er örugglega ritvél og talnastokkur úr stáli).
Ég má koma seinnipartinn í dag og sækja hana, þannig að ég fæ tölvu fyrir helgi. Djöfull verður maður fatlaður þegar maður missir tölvuna, ég er bara ekki í sambandi við umheiminn og veit ekkert hvað ég á af mér að gera. Get ekkert lært og missi mig í eirðarleysi.
Ég vona bara að ég nái að mynda tengsl við þessa tölvu. Þeir ætla meira að segja að reyna að spegla harða diskinn svo ég fæ allt dótið mitt aftur (sem ég á hvort eð er að mestu afritað sökum vantrausts á tölvum).

Orðið GAUF...
Orðið gauf er snilldar orð og má nota í flestum samhengjum og setningum, maður getur endalaust gaufast með það! og hananú...

Það sem mig vantar er datt-stöð sem kostar undir 170 þúsund kalli. Finnandi vinsamlegast sendist á stúdentagarðana merkt Katrín !

Tölvan mín hrundi, til grunna. Hún er brunarústir einar. Fór niður á EJS, var að spá í að hafa haglabyssuna með, en vildi ekki fá víkingasveitina á eftir mér. Þeir lofuðu öllu fögru, en engu að síður er Matlab-skýrslan mín farin norður og niður. Dauði og djöfull!

Þessi tölvuheimur, sem annars er svo indislegur, er rotinn í gegn. Spáið í það hversu tölvufyrirtækin taka kúnnan gjörsamlega í rassgatið þegar þeim hentar og þar sem þeim hentar. Og svo eru þeir með milljarða á milljarða ofan í hagnað. Það er ekki sjens að þeir geti sagt nákvæmlega hvað er að tölvunni, þeir geta ekki einu sinni sagt til um að eitthvað sé að, nema af því að ég held því fram.
Ég fór alveg sótbrjáluð niðureftir, laug því í þá að ég væri ofurtölvunoord (annars segja þeir að maður sé bara heimsk stelpugála sem geymdi að ýta á power-on) og lét í því liggja að ég myndi snappa þarna inni á skrifstofunni ef þessu yrði ekki reddað. Manngreyið tók tölvuna og hljóp inn á verkstæði ;) Ég er greinilega algjör frenja!

Búin að finna gott ráð til að taka á því í ræktinni...
Álag og öryggi, heimaverkefni bíður úrlausnar... val => Heimadæmi versus ræktin.
Komin í ræktina, á hjólið...12.4 mílur, 20 kílómetrar, 40 mínútur, 414 hitaeiningar, get ekki meir. Krampi í kálfunum, erfitt að labba en enn bíður heimaverkefnið...
Heimaverkefni versus æfingar
Armbeygjur 5x10, magaæfingar5x30, grindarbotnsæfingar (bætir kynlífið... sem er hvort eð er mjög langsótt þessa dagana) úfff... er hvort eð er lúði að forrita í Matlab, best að fara aðra umferð, muna eftir bakæfingum og ekki gleyma rassinum... hmmmmm... hvernig geri ég lognormaldreifingarfall í Matlab... veit það ekki => aðra umferð, armbeygjur, magaæfingar, rass... get ekki meir. Ef ég get híft mig upp þá má ég sleppa heimaverkefninu, It's now or never... get það ekki... aumingi get ekki lyft eigin þyngd (sem er svo sem ekki fyrir hvern sem er)
Heimaverkefni versus teygjuæfingar.
Fætur, magi, bak, hendur...
Heimaverkefni versus splitt...
Ég þarf greinilega að gera þetta helvítis heimaverkefni...
Spyr Víking... málið leyst!

Geðveiki eða hvað?

Ég var heima á Gunnarsstöðum. Það var vor, allt frekar blautt og rakt; jörðin var að koma undan snjó. Ég var eitthvað að rölta á milli húsanna og fór meðal annars til ömmu niðurfrá. Svo byrjuðu skrítnir hlutir að gerast, og þeir komu mér bara ekkert á óvart. Það voru naut um allt, svört naut. Þetta voru nokkurs konar holdanaut, frekar loðin, þrekin og lágvaxin; það var eins og þau væru dáleidd eða í einhverri leiðslu. Augun í þeim voru alveg svört og tóm og þau voru ekkert að tuddast eða fíflast, alveg róleg. Það var eitthvað mission í gangi, það var einhver ástæða fyrir því að þau voru þarna og ég vissi af hverju, en ég man það ekki núna. Þau vildu fá eitthvað sem ég, eða við, vorum með undir höndum. Ég vissi hvað það var, en vildi ekki láta þau fá það. Ég veit ekki hvað það var. Það voru fleiri þarna, ég man eftir fólki í kringum mig en ég veit ekki, man ekki hverjir það voru. Mig rámar samt í að amma niðufrá var þarna; ég var jú heima hjá henni. Hún viðkom þessu samt ekkert virðist vera, hún var alveg eðlileg og fannst þetta allt saman mjög eðlilegt.
Eitt nautið, (þau voru nokkur) komst inn á gang hjá ömmu, ganginn þar sem maður fer inn í húsið og ætlaði upp stigann. Ég skaut það. Það lippaðist niður og dó. Það kom svona wird moment, þar sem allt þagnar. Ég lokaði húsinu hljóp upp á efrihæð, inn í stofu og að glugganum þar sem afi fylgist alltaf með umferðinni. Nautin voru orðin miklu fleiri og voru að raða sér upp og fara í röð inn í garðinn til Laufeyjar, þarna fyrir neðan húsið þar sem grænmetisgarðurinn er, framhjá glugganum hennar Sunnu og þar inn um hliðið. Hægt og rólega og hálfpartinn liðuðust áfram, það lá við að einhver spilaði á orgel undir. Da dadaram da da dadada.
Ég stóð bara við gluggann, með riffilinn og horfði á.

Svo vaknaði ég.

Það snjóaði ekkert venjulega í dag, það sat einhver í efra og þrusaði niður gaddfreðnum snjóboltum. Hann náði að hitta mig tvisvar og það eru stórar dældir í hausnum á mér. Ég er nú hörð af mér og reyni að bera mig mannalega, en þetta var hreint út sagt alveg voðalegt.

Stóðréttirnar gengu vel fyrir sig, að því er ég best veit. Hef aldrei komið þarna áður þannig að ég hef ekki hundsvit á því hvort þetta gékk vel eða illa. Mig langaði nú að kaupa mér eitt folald eða svo, en ákvað að láta það vera þar sem það hefði annað hvort endað í garðinum á stúdentagörðunum eða ofan í frystikistu. Sem fátækur námsmaður er ég eiginlega komin með ógeð á reyktu folaldakjöti, en þeir sem versla í Bónus vita að það er alltaf til þar á útsölu. Fyrir manneskju sem þarf rautt kjöt amk. þrisvar í viku þá er þetta helvíti hentugt, en nú er að verða sama hvað ég sykra uppstúfinn mikið eða kartöflustöppuna, ég bara get ekki étið meira af reyktu folaldakjöti.

Eftir réttir var farið á gæsaveiðar. Gékk ágætlega, enda var það fullbúin víkingasveit sem mætti á vettvang. Gæsin átti sér ekki viðreisnar von. Náðum sjö, fékk tvær í kistuna hjá mér, aðra ætla ég að geyma til jólanna til að hafa einhverja villibráð, ef ekkert annað leggst til. Hina ætla ég að elda við tækifæri þegar þörf verður á ætilegum mat og ekki efni á öðru en einhverju helvítis svínakjöti eða hænum. Þá er nú gott að geta dregið björg í bú.

Ballið um kvöldið var alveg magnað, svona ekta sveitaball. Allir koma bara með sitt vín og hafa sitt borð. Svo er bara dansað og ruglað endalaust. Ég er ekki frá því að þynnkan hafi sagt til sín á sunnudaginn; hún er nú ekki beinlínis fastagestur hjá mér og ég gat hreinlega enga björg mér veitt. Þvílíkt helvíti, það eina sem afsakar það að gerast alki er að þá getur maður frestað þynnkunni svo lengi sem lifrin endist.

Á sunnudaginn var farið að reyta, og ég get alveg sagt það í trúnaði hérna á netinu að það er ekki manni bjóðandi, daginn eftir skrall að reyta og svíða gæsir, rista þær á hol og taka innan úr þeim. Ég var algjör liðleysa í þetta skiptið, leyfði strákunum alveg að sjá um þetta.
Kom í bæinn og lagðist í kör. Gummi kom með fullt af dóti að austan, þess elska. Hann á heiður skilið, og ég sver að hann á örugglega heimsmet í hraða við að pakka niður. Það lýsir sér greinilega þegar maður fer að taka upp úr kössunum aftur, maður sér alveg um leið að þarna var röskur maður á ferð...

Var bara löt í morgun, nennti ekki í skólann og dinglaðist bara fram yfir hádegi. What a wonderful day.

Froskarnir mínir eru alveg brjálaðir, var að gefa þeim og þeir fara eins og óðir froskar um allt búr. Þessir vitleysingar sjá ekki neitt og eru alltaf fálmandi að leita að matnum. Ef maður setur puttann ofaní hjá þeim þá stökkva þeir á hann og hjakkast á honum í von um smá næringu. Hvað getur þetta eiginlega verið vitlaust?

Sko! Nu verdur steik a næstunni!
Myndina sendi ég

Knúið af GSMBloggi Og Vodafone

That's real live!
Myndina sendi ég

Knúið af GSMBloggi Og Vodafone

Nu er tad buid! Buin ad fa i mig olyfjan og nu er bara ad bida og sja. Byrjadi ad visu bara a saltlausn og gaf teim sma blod.
Myndina sendi ég

Knúið af GSMBloggi Og Vodafone

Jæja, þá er helgin framundan...

Síðasta var alveg úber!!! Þá fórum við fimm stelpur saman í sumarbústað og vorum þar alla helgina, átum og drukkum og spiluðum á spil. Lágum í heitapottinum og sváfum frameftir. Gerist ekki betra. Maður var eiginlega hálf eftir sig eftir svona helgi, maður var alveg að puða við að slappa af og láta fara vel um sig.

Helgin sem framundan er byrjar á eftir. Er að fara á Hvanneyri á eftir, fæ far með Hadda. Fer svo þaðan yfir í Víðidalstungurétt. Þar verður réttað á laugardaginn. Hef aldrei farið þangað, bara á Laufskálarétt, til sælla minninga... Í Víðidal hef ég eiginast ágætis ölskyldu, fór á þorrablót með þeim í fyrra og þau koma líklegast ekki til með að losna við mig eftir það ;) Þau nefninlega búa á bænum sem er beint á móti ballstaðnum, 50 metrar eða svo.
Mér sýnist nú á öllu að ég þurfi á regngallanum að halda, Gummi tekur hann með að austan. Ég hef ekki kunnað við það enn að mæta í appelsínugulum sjógalla í skólann, þó svo að það væri með öllu réttlætanlegt.

En þar sem fjárhagurinn fer hallandi, þá fann ég þessa fínu vinnu með skóla. Ég þarf ekki að gera neitt, nema... stay alive! Það er nefninlega fyrirtæki sem vantar sjálfboðaliða til að gera lyfjatilraunir á, og borgar manni helling fyrir. Ótrúlega sniðugt. Þannig að ég er s.s. að fara á eftir í læknisskoðun (fæ meira að segja fría læknisskoðun) og svo fæ ég eitthvað gumms og þarf bara að segja frá því hvað gerist og þeir fá blóð úr mér öðru hvoru.
Ég get samt ekki að því gert, að mér dettur alltaf í hug myndin þar sem svarti gaurinn tekur þátt í þessu og fær svona supervision á allt, svo meig hann grænu... muniði?
En ég efast samt um að það gerist, ef svo er þá óska ég eftir ofur-straumfræði-greind. Lo necesito ahorita!

En hafið það gott um helgina, caio